CC昨天已e-mail去了嶺南大學，希望可以取得一本小羊爸爸女兒(羊狼二世)的一本紀念文集《凝望凝望 – 君看雙眼色，不語似無愁》，閱後會放在我學校的圖書館，同同事分享，當然先要比KY同CC的家人看先啦！hehe，如果大家未能取閱，都可以去小羊爸爸網誌的文章http://contact_ching.mysinablog.com/index.php?op=ViewArticle&articleId=1389736下載來看！！
CC剛剛先了小羊爸爸寫她女兒的生平，會繼續看的，大家都要支持呀。
CC今天同家人、KY一齊入沙田馬場，這是CC第一次入馬場，因為今天是莎莎婦女銀袋日2008，有飛所以就即管去一次，不過大家都好乖，一場都沒有買。我地入場仲可以獲得全新設計的「銀袋幸運馬蹄鐵襟針」一個，哈哈哈！CC現在有四個，諗住一個比Ada家姐、一個比KY的妹妹、一個比大黃同一個留比自己。
行了一個圈馬場，原來馬場好大、好多嘢食、好多人、好勁煙味、好熱鬧，仲有明星睇，好似林峰、徐子珊、阿叻同佢太太等等。
看了三場賽事，CC就叫走了，因為聞唔慣D煙味呀！haha！！之後，我地出咗尖東，去了文化中心行了一個圈，CC終於見到小羊的爸爸了。起初，在遠處看見已覺得應該是他了，之後再行埋去，點知佢做緊生意，唔敢打擾佢。到佢叫我地慢慢睇，CC才叫了一聲：「小羊爸爸」，佢即刻話：「CC？」好嘢，小羊爸爸認得我呀！
我地睇咗一陣，就買了六套降落傘和六套後備傘，小羊爸爸收我地網友價，收了$180(好似收少咗呀！)。仲有加埋小羊爸爸的示範，謝謝你呀！
回來一數好似唔夠分，一套比我表弟妹、一套比契仔契女、一套比Ada家姐的姪孫、一套比KY的妹妹、一套比KY的姨甥，仲有一套KY說留返比自己，咁CC咪無？哈哈哈！下次要再去幫襯了。
最後，我地去咗意粉屋食個tea就回家了。CC今天真係好開心呀！！
。瞓唔著就整D練習比學生做，好過坐到天光。今天CC同家人沒有去飲茶，下午等KY教完波才約他行了一陣太子，再等埋佢個fd Maymay去Pizza Hut諗住試食嘢同埋睇佢去旅行d相。我地叫咗香濃誘惑2人套餐，包括有汽水2杯+意大利菜湯2客+前菜1客(秘製雞槌)+芝士咖喱點點扭扭批(大批)1個，再加1個蒜蓉包同埋送嘅意式迷你豬肉腸拼雞肉丸，3個人都食唔晒呀！而重點試食的那個芝士咖喱點點扭扭批就好一般，下次不會再食了
。
(圖片來自Pizza Hut)
另外，今天收到Maymay的手信，係喺日本買的，係一張3D的熊仔Postcard，好得意
，thx Maymay！！
